• វិនិយោគិនត្រូវអានឯកសារផ្តល់ព័ត៌មាន និងយល់ពីហានិភ័យនានាពាក់ព័ន្ធនឹងការ​វិនិយោគ​លើ​មូល​បត្រ​កម្មសិទ្ធិ មុន​នឹង​ធ្វើ​បរិវិសកម្ម។
• វិនិយោគិនដែលមិនទាន់មានលេខអត្តសញ្ញាណវិនិយោគិន និងគណនីជួញដូរមូលបត្រ គួររួសរាន់​ស្នើ​សុំ និង​ទទួល​លេខ​អត្ត​សញ្ញាណវិនិយោគិន​ពី គ.ម.ក និង​បើក​គណនីជួញ​ដូរ​មូលបត្រ នៅក្រុមហ៊ុនមូលបត្រណាមួយដែលទទួលបានអាជ្ញាប័ណ្ណពី គ.ម.ក ឲ្យបានមុនការដាក់ពាក្យសុំធ្វើបរិវិសកម្ម។
• វិនិយោគិនគួមានគណនីធនាគារនៅធនាគារពាណិជ្ជ សម្រាប់​ប្រើ​ក្នុង​គោល​បំណង​នៃ​ផ្ទេរ​ប្រាក់​ដែល​នៅ​សល់ពីការ​ធ្វើ​បរិវិស​កម្មទៅ​វិញ (ប្រសិនបើមាន)។

៤. ទំហំបរិវិសកម្មអប្បបរមា

ចំពោះវិនិយោគិនមិនបានទទួលជោគជ័យក្នុងប៊ុកបៀលឌីង និងវិនិយោគិនមិនបានចូលរួមក្នុងប៊ុកបៀលឌីង: ទំហំ​បរិវិស​កម្ម​អប្បបរមា​ត្រូវ​បាន​កម្រិត​ត្រឹម ១០០ ឯក​តា​មូល​បត្រ​កម្ម​សិទ្ធិ ហើយ​ក្នុង​ករណី​ដែល​វិនិយោគិន​មាន បំណង​ធ្វើ​បរិវិស​កម្ម​លើស​ពី​កម្រិត​អប្បបរមា ចំនួន​មូល​បត្រ​កម្ម​សិទ្ធិ​ដែល​ស្នើ​សុំ​ធ្វើបរិវិសកម្ម ត្រូវគិតជាចំនួនដងនៃទំហំបរិវិសកម្មអប្បបរមា (ឧទាហរណ៏ៈ ធ្វើបរិវិសកម្ម ១០០ ឯកតាមូលបត្រកម្មសិទ្ធិ ហើយប្រសិនបើលើសពី ១០០ គឺ ២០០, ៣០០, ៤០០ ។ល។)។

៥. គុណវុឌ្ឍសម្រាប់ការធ្វើបរិវិសកម្ម

៦. នីតិវិធីបែងចែកមូលបត្រកម្មសិទ្ធិ
1) ផែនការបែងចែកមូលបត្រកម្មសិទ្ធិសម្រាប់វិនិយោគិនតាមក្រុមនីមួយៗ

        a. ការបែងចែកមូលបត្រកម្មសិទ្ធិត្រូវបានកំណត់ ២០ ភាគរយនៃសំណើលក់ជាសាធារណៈសរុប សម្រាប់​វិនិយោគិន​សញ្ជាតិ​ខែ្មរ និង ៨០ ភាគរយ ដែលនៅសល់ ត្រូវបើកចំហរចំពោះវិនិយោគិនសញ្ជាតិខ្មែរ និងវិនិ-យោគិន​មិន​មែន​សញ្ជាតិ​ខ្មែរ ស្រប​តាម​ប្រកាស​លេខ ០០១ គ.ម.ក./ប្រ.ក ចុះថ្ងៃទី ១៥ ខែ មករា ឆ្នាំ ២០១០ ស្តីពីការបោះ​ផ្សាយ​លក់​មូល​បត្រ​កម្ម​សិទ្ធិ​ជា​សា​ធារណៈ។
        b. ក្នុងករណីការស្នើសុំធ្វើបរិវិសកម្មពីក្រុមវិនិយោគិនណាមួយ មាន​ចំនួន​តិច​ជាង​បរិមាណ​មូល​បត្រ​កម្ម​សិទ្ធិ​ដែល​ត្រូវ​បាន​លៃ​បម្រុង​សម្រាប់​ក្រុម​វិនិយោគិន​នោះ ដូចមានក្នុងតារាងខាងលើ នោះ​ចំនួន​មូល​បត្រ​កម្ម​សិទ្ធិ​នៅ​សល់ នឹង​ត្រូវ​ធ្វើ​ការ​បែង​ចែក​បន្ត​ទៅ​ឲ្យ​ក្រុមវិនិយោគិនផ្សេងទៀតដែលបានដាក់ពាក្យស្នើសុំធ្វើបរិវិសកម្ម លើសពីបរិមាណ​មូល​បត្រ​កម្ម​សិទ្ធិ​ដែល​បាន​បែង​ចែក​សម្រាប់​ក្រុម​របស់​ខ្លួន។ សូមអានគោលការណ៏ណែនាំស្តីពី ការធ្វើប៊ុកបៀលឌីង និងការធ្វើបរិវិសកម្មមូលបត្រកម្មសិទ្ធិ ដែលអាចរកបានតាមរយៈ គេហទំព័រ www.secc.gov.kh ។
2) សម្រាប់ក្រុមវិនិយោគិនជាមន្ត្រី-និយោជិតរបស់ រ.ទ.ស.ភ : និយោជិតម្នាក់ៗ ត្រូវបានបែងចែកមូល​បត្រ​កម្ម​សិទ្ធិ​ជូន​តាម​ចំនួន​ដែល​កំណត់​ដោយ រ.ទ.ស.ភ ដោយមានការព្រមព្រៀងជាមួយនិយោជិតទាំងនោះ ស្របតាម សេចក្តីសម្រេចរបស់​ក្រុម​ប្រឹក្សា​ភិបាល ចុះថ្ងៃទី ១៥ ខែ កុម្ភៈ ឆ្នាំ ២០១២ ដោយការបែងចែកនេះនឹងគិតទៅលើ រយៈពេលនៃអតីតភាពការងារ និង​ទំហំ​ប្រាក់​បៀវត្ស។
3) សម្រាប់ក្រុមវិនិយោគិនទទួលបានជោគជ័យក្នុងប៊ុកបៀលឌីង : ជាគោលការណ៏ វិនិយោគិនទទួលបានជោគជ័យ​ក្នុង​ប៊ុកបៀលឌីង នឹងត្រូវបែងចែកមូលបត្រកម្មសិទ្ធិ ជូនតាមចំនួនដែលបានធ្វើការគណនាជាមុន (pre-calculated number of shares) ស្របតាមលទ្ធផលដែលបានកំណត់ក្នុងដំណើរការប៊ុលបៀលឌីង ដែលទទួលបានការអនុញ្ញាតពី គ.ម.ក.។
     • ក្នុងករណីការធ្វើបរិវិសកម្មដោយវិនិយោគិនទទួលបានជោគជ័យក្នុងប៊ុកបៀលឌីង មាន​ចំនួន​តិច​ជាង​ចំនួន​មូល​បត្រកម្ម​សិទ្ធិ​ដែល​បាន​លៃ​បម្រុង​សម្រាប់​ការធ្វើប៊ុកបៀលឌីង នោះវិនិយោគិនទទួលបានជោគជ័យដែលធ្វើបរិវិសកម្ម តិច​ជាង​ចំនួន​មូល​បត្រ​កម្ម​សិទ្ធិ​ដែល​ត្រូវ​បាន​គណនា​ជា​មុន​តាម​លទ្ធផលកំណត់ក្នុងដំណើរការប៊ុកបៀលឌីង ឬមិនបានធ្វើបរិវិសកម្ម នឹង​ត្រូវ​បែង​ចែក​ឲ្យ​ជា​ស្វ័យប្រវត្តនូវ​ចំនួន​មូល​បត្រ​កម្ម​សិទ្ធិ​ដែលបានធ្វើការគណនាជាមុននោះ។
     • ក្នុងករណីការធ្វើបរិវិសកម្មដោយវិនិយោគិនដែលទទួលបានជោគជ័យក្នុងប៊ុកបៀលឌីង មានចំនួន​ច្រើន​ជាង​ចំនួន​មូល​បត្រ​កម្ម​សិទ្ធិ ដែលត្រូវបានគណនាជាមុនតាមលទ្ធផលកំណត់ក្នុងដំណើរការប៊ុក-បៀលឌីង វិនិយោគិន​នោះ​នឹង​ត្រូវបាន​បែង​ចែក​មូល​បត្រ​កម្ម​សិទ្ធិ​ជូន​តាម​ចំនួន​មូល​បត្រ​កម្ម​សិទ្ធិ ដែលត្រូវបានគណនាជាមុនតាមលទ្ធផលកំណត់ក្នុងដំណើរការប៊ុកបៀលឌីង ហើយបន្ទាប់មក ប្រសិនបើមានមូលបត្រនៅសល់ នោះ​ចំនួន​មូល​បត្រ​ដែល​វិនិយោគិន​បាន​ដាក់​លើស​នឹង​ត្រូវ​បែង​ចែក​ជូន​តាមវិធានប្រូរ៉ាតា។
4) សម្រាប់ក្រុមវិនិយោគិនដទៃទៀតៈ វិនិយោគិនដទៃទៀត នឹងត្រូវបែងចែកមូលបត្រកម្ម-សិទ្ធិជូន តាមវិធានប្រូរ៉ាតា។

៧. សេចក្តីបញ្ជាក់

1) និយោគិនដែលធ្វើបរិវិសកម្ម គួរមានជាចាំបាច់នូវ លេខអត្តសញ្ញាណវិនិយោគិន គណនីជួញដូរ គណនី​ធនាគារ​ដើម្បី​សម្រួល​ដល់​ការ​ផ្ទេរ​ប្រាក់​ដែល​នៅ​សល់​ពី​ការធ្វើបរិវិសកម្មទៅវិញ និងសម្រួលដល់ការផ្ទេរមូល​បត្រជូនក្នុង​ករណី​ការ​ធ្វើ​បរិវិស​កម្ម​បាន​ជោគជ័យ។
2) វិនិយោគិនគ្រប់រូប ទោះមានសញ្ជាតិខ្មែរក្តី ឬសញ្ជាតិមិនមែនខែ្មរក្តី នឹងមិនអនុញ្ញាតឲ្យដាក់ពាក្យស្នើសុំធ្វើបរិវិសកម្ម​លើស​ពី​ម្តង​ឡើយ។
3) ក្នុងករណីមានភាពខុសគ្នារវាងទឹកប្រាក់តម្កល់ធ្វើបរិវិសកម្ម ដែលមានបង្ហាញនៅក្នុងពាក្យស្នើសុំធ្វើបរិវិសកម្ម និងតុល្យ​បញ្ជី​គណនី​របស់​ធនាគារ នោះវិនិយោគិននឹងត្រូវបានចាត់ទុកថាធ្វើបរិវិសកម្មតាមចំនួនទឹកប្រាក់ណាមួយដែលតិចជាង។
4) ប្រាក់តម្កល់ធ្វើបរិវិសកម្ម មិនទទួលបានការប្រាក់ទេក្នុងកំឡុងពេលដែលប្រាក់នោះ​ត្រូវ​បាន​ដាក់​ក្នុង​គណនី​ធនាគារ​ដោយ​ឡែក​សម្រាប់​គោល​បំណង​នៃ អាយ ភី អូ របស់ រ.ទ.ស.ភ រហូតដល់ថ្ងៃទូទាត់ទៅឲ្យ រ.ទ.ស.ភ ឬត្រូវផ្ទេរ​ទៅឲ្យ​អ្នក​ធ្វើ​បរិវិ​សកម្ម​ពាក់​ព័ន្ធ​វិញ (ប្រសិនបើមាន)។
5) ក្រោយការបញ្ចប់ការធ្វើបរិវិសកម្ម ក្នុងករណីមានអ្នកធ្វើបរិវិសកម្មដែល​មិន​ទទួល​បាន​មូល​បត្រ​កម្ម​សិទ្ធិ​តាម​ការ​ដាក់​ពាក្យ​ស្នើ​សុំ រ.ទ.ស.ភ ដោយមានជំនួយពីក្រុមហ៊ុនតុងយ៉ាង ស៊ីឃ្យួរឹធី (ខេមបូឌា) ភីអិលស៊ី ត្រូវផ្ទេរ​ប្រាក់​ដែល​នៅ​សល់​ពី​ការ​ធ្វើ​បរិវិ​សកម្ម​ទៅ​ឲ្យអ្នក​ធ្វើបរិវិសកម្មពាក់ព័ន្ធនោះវិញ បន្ទាប់ពីកាត់កងរាល់ការចំណាយ និងកម្រៃផ្សេងៗ ដូចជាកម្រៃនៃការផ្ទេរប្រាក់​តាម​រយៈ​ធនាគារ​ជាដើម តាមការជាក់ស្តែង។
6) ព័ត៌មាននៅក្នុងសេចក្តីជូនដំណឹងនេះ អាចនឹងផ្លាស់ប្តូរមុនពេលធ្វើបរិវិសកម្ម ដែលក្នុងករណីនោះ រ.ទ.ស.ភ ដោយមាន​ជំនួយ​ពីក្រុមហ៊ុន​តុងយ៉ាង ស៊ីឃ្យួរឹធី (ខេមបូឌា) ភីអិលស៊ី នឹងធ្វើការជូនដំណឹងជាបន្ទាន់ដល់វិនិ-យោគិនអំពីការផ្លាស់ប្តូរនោះ។

៨. ការជូនដំណឹងអំពីលទ្ធផលនៃការធ្វើបរិវិសកម្ម
រ.ទ.ស.ភ ដោយមានជំនួយពីក្រុមហ៊ុនតុងយ៉ាង ស៊ីឃ្យួរឹធី (ខេមបូឌា) ភីអិលស៊ី នឹងធ្វើជម្រាប​ជូន​ដំណឹង​ដល់​វិនិយោគិន​អំពី​លទ្ធផល​នៃ​ការ​ធ្វើបរិវិសកម្ម តាមគេហទំព័រផ្លូវការ និងតាមសារព័ត៌មាន ដូចខាងក្រោម៖

1) គេហទំព័រផ្លូវការ៖
        a. គ.ម.ក : www.secc.gov.kh
        b. រ.ទ.ស.ភ : www.ppwsa.com.kh
        c. ក្រុមហ៊ុនអេស៊ីលីដា ស៊ីឃ្យួរឹធី : www.acledasecurities.com.kh and
        d. ធនាគារអេស៊ីលីដា : www.acledabank.com.kh
2) សារព័ត៌មាន៖

a. កាសែតកោះសន្តិភាព
b. កាសែតរស្មីកម្ពុជា
c. ការសែតភ្នំពេញប៉ុស្តិ៍

ព័ត៌មានបន្ថែមអំពីការធ្វើបរិវិសកម្ម សូមទំនាក់ទំងលេខទូរស័ព្ទ:
023 724 046 (រ.ទ.ស.ភ), 023 860 800 (តុងយ៉ាង ស៊ីឃ្យួរឹធី), 023 723 388 (អេស៊ីលីដា ស៊ីឃ្យួរឹធី)