ពិធីសម្ភោធដាក់ឲ្យប្រើប្រាស់ជា​ផ្លូវការ​នូវ​គម្រោង​ផ្តួចផ្តើម​ប្រើប្រាស់​ថាមពល​ស្អាត​ក្នុងការ​ផលិត​អគ្គិសនី​ដោយ​ប្រើពន្លឺព្រះអាទិត្យ

កាលពីថ្ងៃទី១១ ខែមិនា ឆ្នាំ២០១៤ រដ្ឋាករទឹកស្វយ័តក្រុងភ្នំពេញបានប្រារព្ធពិធីសម្ភោធដាក់ឲ្យប្រើប្រាស់ជាផ្លូវការ​នូវគម្រោង​ផ្តួច​ផ្តើម​ប្រើប្រាស់​ថាមពលស្អាត​ក្នុង​ការ​ផលិតអគ្គិសនីដោយ​ប្រើពន្លឺ​ព្រះអាទិត្យ ក្រោម​អធិបតីភាពដ៏ឧត្តុង្គឧត្តមរបស់ ឯកឧត្តម គាត ឈន់ ឧបនាករដ្ឋមន្រ្តីប្រចាំការ ឯកឧត្តម ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្ម និង ឯកឧត្តម គូម៉ាម៉ារូ យូជិ(KUMAMARU YUJI) ឯកអគ្គរាជទូតជប៉ុន។ គម្រោងថាមពលស្អាតនេះ ត្រូវបានធ្វើឡើងក្រោម ហិរញ្ញប្បទានឥតសំណងរបស់រាជរដ្ឋាភិបាលជប៉ុន ដែលមានសមត្ថភាពផលិតថាមពលបាន ៧៧៧គម និងបានជួយសន្សំសំចៃដល់ រ.ទ.ស.ភ បានប្រមាណ ២០០,០០០ដុល្លា ក្នុង១ឆ្នាំ ដែលមានថវិកាសុបចំនួន ៧២០,០០០,០០០យ៉េនជប៉ុន និងមានរចនាសម្ព័ន្ធអនុវត្តគម្រោងដូចខាងក្រោម៖

គម្រោងនេះ បានអនុវត្តរយៈពេល១២ ខែ ពោលគឺបានចាប់ផ្តើមអនុវត្តពីថ្ងៃ ទី១៩ ខែ កក្កដា ឆ្នាំ ២០១២ និងបានដាក់ឲ្យដំណើរការនៅថ្ងៃទី ១៤ ខែមិថុនា ឆ្នាំ ២០១៣ កន្លងទៅថ្មីៗនេះ។ លទ្ធផលទទួលបាន មានជំរាបជូនដូចក្នុងតារាងខាងក្រោម៖

ប្រព័ន្ធនេះដំណើរការក្នុងរយៈពេលជាមធ្យម ១០ម៉ោង/ថ្ងៃ និងអាចផលិត​ថាមពលអគ្គីសនី បានជាមធ្យមពី ២,៨០០ ទៅ ៣,០០០ គីឡូវ៉ាត់ រឺអាចនិយាយបានថាប្រព័ន្ធនេះ មានលទ្ធភាពអាច ផលិតថាមពលអគ្គិសនីបានជាមធ្យមប្រមាណ ១,០០០,០០០ គីឡូវ៉ាត/ឆ្នាំ សំរាប់បំរើសេចក្តី ត្រូវការនៅទីស្នាក់ការកណ្តាល រ.ទ.ស.ភ និងរោងចក្រប្រព្រឹត្តកម្មទឹកស្អាតភូមិព្រែក ។ ផ្អែក លើថាមពលទទួលបាននេះ រ.ទ.ស.ភ អាចសន្សំសំចៃថាមពលអគ្គីសនីបានប្រមាណពី ៦% ទៅ ៨% នៃថាមពលប្រើប្រាស់សរុបរបស់រោងចក្រផលិតទឹកស្អាតភូមិព្រែក ពោលគឺអាច សន្សំថវិកាបានប្រមាណ ២០០,០០០ដុល្លា/ឆ្នាំ ។ ខាងក្រោមនេះគឺជាការគណនារកផល ចំណេញពីការប្រើប្រាស់ថាមពលអគ្គិសនីដោយពន្លឺព្រះអាទិត្យ នៅរោងចក្រប្រព្រឹត្តកម្មទឹក ស្អាតភូមិព្រែក(ដោយមិនគិតពីរំលស់)