យោងតាមតារាងខាងលើ រ.ទ.ស.ភ បានបែងចែកអ្នកលក់ទឹកបន្តជាពីរប្រភេទគឺ អាជីវករលក់ទឹក និងតំណាងចែកចាយទឹក។ ប្រភេទទី១ សំដៅដល់អតិថិជន ដែលធ្វើអាជីវកម្មលក់ទឹកបន្តទៅឲ្យអ្នកប្រើប្រាស់ដទៃទៀត។ ថ្លៃប្រើប្រាស់ទឹករបស់អតិថិជននោះត្រូវបានកំណត់ក្នុងប្រភេទអាជីវកម្ម។ ប្រភេទទី២ សំដៅដល់តំណាងសហគមន៍ ឬតំណាងប្រជាពលរដ្ឋក្នុងតំបន់ ដែល រ.ទ.ស.ភ មិនអាចដាក់បំពង់ចែកចាយទឹកស្អាតចូលទៅបាន។ តំណាងនេះមានភារកិច្ចជាវទឹកផ្ទាល់ពី រ.ទ.ស.ភ យកទៅបែងចែកបន្តដល់សមាជិកសហគមន៍ ឬប្រជាពលរដ្ឋក្នុងតំបន់ដោយមិនសង្កត់ធ្ងន់ទៅលើតែប្រាក់ចំណេញ។ ដូចនេះ រ.ទ.ស.ភ កំណត់យកពីតំណាងចែកចាយទឹកបន្តក្នុងតម្លៃមួយថេរស្មើនឹងថ្លៃប្រើប្រាស់ទឹករបស់អង្គភាពរដ្ឋ។

តារាងថ្លៃប្រើប្រាស់ទឹករបស់ រ.ទ.ស.ភ បច្ចុប្បន្នមាន ៣ប្រភេទគឺ ជីវភាព អាជីវកម្ម និងអង្គភាពរដ្ឋ។ តម្លៃនេះមានលក្ខណៈកើនឡើងជាលំដាប់ទៅតាមបរិមាណទឹកប្រើប្រាស់ និងតាមប្រភេទអតិថិជិនជីវភាព និងអាជីវកម្ម។ ថ្លៃនេះមានសង្ខេបនៅក្នុងតារាងដូចខាងក្រោម៖

ប្រភេទអតិថិជន	បរិមាណទឹកប្រើប្រាស់ក្នុង ១ខែ	តម្លៃក្នុង ១ម³
ជីវភាព	- ពី 00ម³ ដល់ 07ម³       - ពី 08ម³ ដល់ 15ម³       - ពី 16ម³ ដល់ 25ម³       - ពី 26ម³ ដល់ 50ម³       - ពី 51ម³ ដល់ 100ម³       - លើសពី 100ម³	400 រៀល       720 រៀល       960 រៀល       1,250 រៀល       1,900 រៀល       2,200 រៀល
ក្រសួង-ស្ថាប័ន អង្គភាពនានា និងស្ថានទូត	មិនកំណត់តាមបរិមាណប្រើប្រាស់	2,500 រៀល
អាជីវកម្ម	- ពី 0ម³    ដល់ 15ម³       - ពី 16ម³ ដល់ 45ម³       - ពី 46ម³ ដល់ 100ម³       - ពី 101ម³ ដល់ 200ម³       - ពី 201ម³ ដល់ 500ម³       - លើសពី 500ម³	950 រៀល       1,100 រៀល       1,400 រៀល       1,700 រៀល       2,100 រៀល       2,400 រៀល