ការអភិវឌ្ឍធនធានមនុស្ស

ផ្អែកលើសំណូមពរចាំបាច់នៃការអភិវឌ្ឍធនធានមនុស្ស និងដើម្បីបង្កើនគុណភាព-ប្រសិទ្ធិភាពការងារ រដ្ឋាករទឹកភ្នំពេញចាំបាច់ត្រូវរៀបគម្រោងផែនការច្បាស់លាស់ ដោយមានការសហការ ឧបត្ថម្ភពីភ្នាក់ងារសហប្រតិបត្តិការអន្តរជាតិជប៉ុន (JICA) ធនាគារពិភពលោក (WB) ធនាគារអភិវឌ្ឈន៍អាស៊ី (ADB) ធ្វើឲ្យ រ.ទ.ស.ភ មានសមត្ថភាពកាន់តែប្រសើរឡើង ក្នុងការកែសម្រួលចំណុចសំខាន់ៗដូចខាងក្រោម៖
• រៀបចំឲ្យមានមណ្ឌលបណ្តុះបណ្តាល និងដំណើរការជាបណ្តើរៗ ចាប់ពីឆ្នាំ ១៩៩៧ ដែលមានគោលការណ៍៖
      - កំណត់នូវគោលការណ៍ស្តីពី ការបញ្ជូនមន្ត្រី និយោជិតទៅទទួលការបណ្តុះបណ្តាល។
      - ស្វែងរកគ្រូបណ្តុះបណ្តាលនៅតាមវិទ្យាស្ថាននានា ទាំងក្នុង និងក្រៅប្រទេសសម្រាប់បណ្តុះបណ្តាលជំនាញដល់មន្ត្រី និយោជិត រ.ទ.ស.ភ។
      - សហការជាមួយម្ចាស់ជំនួយក្នុងការស្នើ និងបញ្ជូនមន្រ្តីទៅទទួលការបណ្តុះបណ្តា-លជំនាញចាំបាច់នៅក្រៅប្រទេស។
• ពីឆ្នាំ២០០៥ រហូតដល់បច្ចុប្បន្នមណ្ឌលបណ្តុះបណ្តាលនេះបានដំណើរការពេញសមត្ថភាពដោយបានរៀបចំឲ្យមានគ្រូបង្គោលក្នងង្គភាពសម្រាប់ដំណើរការបណ្តុះបណ្តាលជំនាញសម្រាប់និយោជិតថ្នាក់ក្រោម ដោយផ្តោតជាសំខាន់ទៅលើការ បណ្តុះ បណ្តាលទាក់ទងនឹងការអនុវត្តការងារជាក់ស្តែង(បែបបទដំណើរការងារស្តង់ដាការងារ “SOP” )។
• បានធ្វើការកែសម្រួលនូវការវាយតម្លៃមន្រ្តី-និយោជិតតាមរយៈព្រឹត្តបត័្រពិន្ទុប្រចាំខែ មកប្រចាំត្រីមាសក្នុងឆ្នាំ២០០៥ រហូតមកដល់បច្ចុប្បន្ន។
• ខែមិថុនា ឆ្នាំ២០០៧ រ.ទ.ស.ភ បានរៀបចំឲ្យមានការប្រឡងសមត្ថភាពប្រចាំឆ្នាំ។ការប្រឡងសមត្ថភាពនេះ បានអនុវត្តសម្រាប់មន្រ្តី-និយោជិត រហូតដល់ប្រធានការិយាល័យ ដើម្បីបង្ហាញឲ្យឃើញពីសមត្ថភាព និងការយល់ដឹងក្នុងការអនុវត្តការងារ។
• បានរៀបចំបែបបទនៃការតំឡើងឋានៈ ការតំឡើងកាំបៀវត្សរ៍ តំឡើងបៀវត្សរ៍ លើកសរសើរប្រចាំឆ្នាំ ទៅតាមលទ្ធផលនៃការប្រឡងសមត្ថភាព និងលទ្ធផលនៃការវាយតម្លៃតាមរយៈព្រឹត្តប័ត្រពិន្ទុប្រកបដោយតម្លាភាព។